كيف اخلي زوجي مايشوف غيري و يبطل بصبصة على البنات

الموضوع في 'بنات و شباب' بواسطة kingsam, بتاريخ ‏17 يونيو 2013.

  1. kingsam

    kingsam مدير Staff Member

    كيف اخلي زوجي مايشوف غيري و يبطل بصبصة على البنات
    حياتك بعد الزواج بتكون غير عن حياتك قبل ايام العزوبيه بتصير عندك مسئوليات ومنغصات
    ولايروح بالج ان حياتك بتكون خاليه من اي مشاكل حتى لو تفاهمتو ع كل شي وحبيتو بعض بجنون لابد تعثرون

    وشلون تعيشين بعد الزواج


    =شكلك

    لاتجلسين ع لوك واحد غيري من فتره لفتره لطرد الملل مره اصبغي شعرك لون ومره البسي لبس ماعمره شافك
    مره حطي مكياج كامل وسوي تسريحات
    ونوعي في لبسك قصير طويل جلبيات كويتيه روعه جلبيات مع بنطلون يجيك البنطلون داخل الجلبيه عن طريق فتحه ع الفخذ
    مره بنطلون طويل مره لبس قصير
    البسي شورتات قصيره لنص الفخذ او فوق الركب اغريه بلبسك^شوفي الكوريات وشلون لبسهم واو نعومه ويغري تعلمي منهم
    البسي شفاف وطقمي بملابسك الداخليه تحت الشفاف
    حطي اكسسورات لجسمك ولشعرك
    لاتخلينه يشوفك بشكل جاف وعادي وخالي من الانوثه دايم تميزي بالانوثه والدلع
    عطوراتك خليها تسبق طلتك
    وبيتك عطريه ولايشم فيه الاكل ريحه حلوه
    وغرفة النوم دايم هويها ونفهيها وبخريها
    وغيري من المفرش كل يومين لون
    (فيه مفارش رومانسيه روعه او انتي اخذي مفرش واطرزي عليه عبارات حب)
    وعطورات خاصه للمفارش لاتنسينها وفيه عطورات بمحلات العود للمنازل والحمامات وانتي بكرامه
    ودعي اذا طلع من البيت بشكل واذا رجع خليه يشوفك بشكل ثاني هذا زوجك اذا مافتنتيه من تفتنين وتغرين
    حطي حيلك فيه
    شعرك دائم بخريه وحطي خمريات
    ولبس النوم خلي فيه اغراءت ونوعي مثل اليوم لبستي قصير شفاف بكرا البسي بجامه لونها حلو وانثوي
    المره الثانيه البسي لانجري مغري
    حتى لو كررتي البس تقدرين تغيرين في لبسك شي تحطين مثل شرايط واكسسورات ع لبس لونه ساده
    افخوذك جمليها بالاكسسورات والملمع والنقش
    (بمحلات نكتار مكياج جسم وفخوذ يصلح للعلاقه تقدرين تمزجين معه لون وردي بلمعه تطلعين فتنه))
    منطقة السره زينيها بالاكسسورات الاصقه او الترتر حطيه حواليها
    جسمك دائم خليه يفوح عطورات وروائح حلوه
    حطي بودرات للجسم وعطورات مركزه
    ملابسك قبل تلبسينها بخريها او عطريها
    يدينك دائم رطبيها لاتخلينها يلمسها وهي جافه خليه يحس بالنعومه

    والي منحرجه من الالوان الغامقه الي بجسمها اطمنكم ياحلوات المتزوجات تزوجو وعندهم هالشي هذي خلقة رب العالمين وهم بعد عندهم نفس هالشي
    اذا كان يحبك بيشوفك اجمل انسانه حبه لج بيعميه عن عيوبك
    انا ماقولج اهتمي لا اهتمي قد ماتقدري واذا شفتي الامر مستصعب لاتضيق فيك الدنيا شوفي كم وحده تزوجة وبشرتها عدمانه وعنده مشاكل بالبشره والالوان وش صار عليهم ماتذمرو ولاتطلقو يعني بيطلقك عشان لونه كذا
    انتي لو سئلتي متزوجه عن المناطق الغامقه راح تقولج عندي خير الا اقلة منهم
    واياك تشتكين قدامه من هالاماكن خليك واثقه من نفسك انه امر طبيعي لو اشتكيتي وتذمرتي بيشوفها نقطة ضعفك وبتفتحين عيونه عليها خلي الثقه بكل شي لاتحسسينه بهالامر انه مزعجك
    اهتمي بالمنطقه الحساسه تاكدي انها خاليه من التهابات دائم عقميها وعطريها وازيلي الشعر
    استخدمي غسولات للمنطقه لاتهمليها واحرصي ع ترطبيها بزيت زيتون او لوز مر او كريم سودو
    الجفاف يساعد ع السواد وانتشار الروائح

    باختصار اهتمي بشكلك من راسك الى قدميك



    =خليك حرمة سنعه يفتخر فيك في شكلك وطبخك وشغلج لاتصيرين كسوله ولاتصيرين اول الزواج ماتفصلين من النشاط وبعدين تصيرين كسوله لا خليك قويه واعزمي انك نشيطه ويعرف انك نشيطه لانه راح يتحمس معك
    (اصحي قبل يروح لدوام بساعه اوساعتين روحي صلحي له فطور وحطي الفطور بمحفظه عشان مايبرد
    ثم انطلقي للحمام وتحممي وتعطري ثم روحي رتبي شكلج
    ورتبي مكان الفطور وطلعي الفطور من المحفظه وحطيه بصحون
    والحليب والشاي حطيه بزمزميه عشان مايبرد
    ونظفي المكان وبخريه خليه اذا صحى يصحى ع شي يبرد ع قلبه ويسعده
    اذا رحتي تصحينه ابتكري الطرق الرومانسيه وانتي تصحينه مثل عطري يدك لين تبلل بالعطر وحطيها ع انفه العطر راح يصحيه
    وابتسمي في وجهه
    او اسحبي الفراش واحضني يده حبي قوم وراك دوام يالله ياعصفور وقوميه بدلع مو بصياح وصراخ
    او امسحي ع وجهه بيدك بدلع وصحيه غلاي بسك نوم قوم العالم ساكنه تنتظر طلتك
    او بابا قووووووم وبوسيه وهو نايم
    يالله ياقليبي اصحى تاخرت ع الدوام وامسحي ع شعره
    واذا صحى اخذي بيدينه وساعديه ع القيام وفتحي له المويه ونزلي الفوط او المناديل عنده وشوفي شغلج)
    قمة الاحراج تاقفين عنده وهو يغسل راح ينحرج ومايعرف يغسل


    =دايم نوعي في المكان الي تاكلون فيه مره بالمطبخ ومره بالصاله ومره بمجلس الرجال ومره بمجلس الحريم
    يضفي شي حلو

    =اذا قالج انا عازم ضيوف لاتذمرين وتقولين له ليش وبيطولون
    قولي ضيوفك ضيوفي هلافيهم عساك على ع القوه
    لاقال اطبخي كذا وكذا قولي ابشر من عيوني برفع راسك عندهم
    لاتقولين كل هذا اطبخه لا تذمرين لان كذا بيشوف فيك اشياء ويصير مايعزم
    لاخليك عند حسن الظن حتى لو طبخك مو ذاك الزود الي يبيه سويه
    من عيوني ماطلبت شي يالغالي
    ومثل ماقلت لكم تعلمو ع الطبخ واشرو كتب الطبخ وتعلمن


    =لاتحسيسينه بالجوع قبل فترة الغداء اذا كان موجود جيبي له كاس عصير بارد يسد به الجووع
    عصير برتقال لانه يسد الشهيه قبل الاكل خخخخخخخخخخخخخ^تنذلي فيه
    يعني قبل الفترات بوقت جيبي له عصير وكيك
    والعصر اكيد قهوه وشاي وحلا ومكسرات وبعد مايخلص عطيه شي بارد
    وبعد المغرب او العشاء سوي له سندوشيات او فطاير معها شاي او عصير
    لاتخلينه يجوع عندك ترا اغلب الرجال ماييبنون انهم يحسون بالجوع
    انتي ماعليك مثل ماقلت سوي كذا
    واذا رفض قولي تزعلني غلاي من يدي ترد يدي ترا بزعل ومدي البوز لاحد الباب خخخخخخ(قلدي الاطفال)
    وكليه الاكل من يدك واذا خلى بقية من الاكل اكليه اكلي سوره(بقية اكله)
    واذا ترك شوي من العصير اشربي الباقي قدامه راح يستانس
    قولي اممممممم ياحلو سورك دايم خل لي من سورك
    واذا اكل وخلص قولي له بابه خلصت وقومي معه وغسلي له يدينه ونشفيه عدل وفرشي له اسنانه وتمايلي وتدلعي وانتي تغسلين يده وتفرشين اسنانه
    ثم لاوصيكم ع العناق تعانقيه وبوسيه
    واذا بينام احرصي دايم انك تنومينه عودييه ع هالشي
    اسحبي الفراش واخذي يده وخليه ينام وضمي راسه لصدرك وامسحي ع شعره وسولفي له او غني له لين ينام او قولي اغنية نام حبيبي نام اذا شفتيه نام نزلي راسه بشويش ع المخده خخخخخخخ جتني قعشريره
    بعدين لحفيه وطفي النور واتركيه
    وروحي كملي شغلج او اكلج ونظفي البيت والمطبخ وغيري ملابسك وتعطري وتحممي ونامي معه ودايم احرصي تنامين قريبه منه ويدك ع خصره او ع ظهره او كوني قريبه من صدره

    = خليه ينام لاتصحينه اذا ماقالج صحيني مثل اذا شفتيه طول بالنومه روحي صحيه قولي حبيبي قم يرضيك جالسه بروحي وتدلعي وانتي تصحينه وجهزي له كم اكله

    =العبي معه لاتصيرين ثقيله العب يعطي احساس حلو وكثير الالعاب الزوجيه ابحثي تحصلينها
    مثل اذا هو متعود ع طلتك اذا دخل البيت يوم من الايام تخبي في درج ملابسه وخليه يدور عليك واكيد بيفتش بالدرج
    وانتي سوي نفسك نايمه بالدرج استهبلي
    واذا صحاك سوي نفسك نايمه لاتضحكين العب الدور صح ثم سوي نفسك ماتدرين وين انتي ثم قولي يووووم وش جايبني هنا
    الله يسامحك تذكرت كنت اشم ريحتك بملابسك وشكلي نمت من الشوق عليك ثم ضميه
    او تخبي بيوم من الايام مثل بالمطبخ وقعد يدور وشفتيه دش المطبخ تعالي وراه وخوفيه مثل قولي واااااااااااااااااااو ونحاشي
    راح يلحقك
    واذا كشف مكانك حطي يدك ع عيونك قولي بشوفك تفقدني
    او فاجيئه مثل لاسويتي طبق معين بالاكل حطي صحن فاضي وغطي الصحن
    وقولي حبيبي امسك امسك بينكب حار خليه يقوم مرتبك ويصدق ويمسك بيشوف مافيه شي


    =اي مشكله تصير بينكم لاتطلعونه لاحد حلو مشاكلكم بنفسكم لو طلعت بتكبر وتوذيكم اكثر ويمكن الناس تعطيك حل يعقدها اكثر

    = اذا قالج اليوم بنزور الاهل حتى لو ماتحبينهم لاتكسرين كلامه وقولي ان شالله من عيوني وجهزي نفسك ولاتروحين لهم ويدك خاليه لاسوي صينية حلا او فطاير وخذيها معك
    ومثل ماقلت لك وشلون تعاملين مع اهله (بموضوع خلي الخطوبه كلها حركات)


    =احرصي ع اقامة ليلة رومنسيه لو مره واحد اومرتين بالشهر وتكشخي فيها بلبس غير عن لبس تعود ع شوفته لو تلبسين فستان سهره قصير او طويل وحطي مكياج غير عن المكياج الي حفظه عليج
    وسوي تسريحه او اي شي بشعرك


    =ساعديه في لبس ملابسه لبسيه الشماغ او الطاقيه اوالثوب او البنطلون والشرت مافيه شي بالعكس تسعدينه وعطريه وخلي يدك بيده لين توصلين الباب ودعيه بقبله او ضمه اوبوسه وكلمه حلوه ودعوه حلوه
    وتدلعي اذا جاء يطلع قولي بروح معك وبوزي وسوي نفسك متضايقه
    وقولي اصرن من اول متتلع منيه اتضايق واااجد هالكثر وضحي هالكثر بيدينك
    او اسبقيه ع الباب قفليه واخذي المفتاح وقولي ماراح تطلع مابيك تطلع اتضايق واذا قرب سوي نفسك تبلعين المفتاح
    واذا اخذ منك المفتاح او عرف يصرفك عطيه المفتاح ودعيه
    او حطي المفتاح بصدرك وقولي ضاع وخليه يطلعه

    =خليك رومانسيه بتصرفاتك وافعالج ودلعك وشكلج خليك يشوف الانوثه ع اصولها معج
    تصرفات الرومانسيه اتوقع ماتجهلكم وخليك عفويه وبريه في تصرفاتك


    = نظافتك لبيتك وشغلج تبين حقيقتك فاحرصي عليهم
    ونظافة زوجك ونظافة ملابسه صوره عاكسه لج احرصي ع تنظيف ملابسه لاتخلينه يقولج اغسلي انتي دايم فتشي ملابسه وشوفي الي مونظيف ونظفيه وعطريه
    وخلي بدرجه فواحات
    واذا جاء يحلق شواربه ودقنه قولي بابه عنك بحلق لك باصير لك صالون وحاولي معه بدلع لين يعطيك الموس وحلقيه لاتجرحينه
    ثم قولي وش رايك انفع اصير حلاقه انا بفتح صالون هنا لك كل شي بسويه لك
    واذا راح يتسبح جهززي الشامبوات والمنشفه وادواته وحطيهم بالحمام وعبي البانيو مويه وجهزي له كل شي
    واذا دخل قولي غلاي يصير اساعدك ادري شطحت بس مافيه شي
    واذا رجع من الدوام وكان تعبان سوي له مساج ابدعي بطرق المساج وتفنني



    =اذا طلع ورجع للبيت استقليه احسن استقبال شكليا وتعبيريا
    او اول مايدش مع الباب غني له مثل ياهلا بااغلى الحبايب ياهلا بريحة هلي مع شوي هزات
    او مرحبا بقدوم خلي يوجاء بمحلي
    او استقبليه بعبارات ترحيب ياهلا بالي نوره غطاء نور القمر
    او ياهلا بالي نوره طفى الكهرباء
    او اول مايدش طفي الكهرباء ورحبي فيه واذا سئلج قولي انا مطفيته ماشوف له داعي بطلتك خلني اشبع من نورك


    =لاتخلينه يمل ويقضي وقته عند اخوياه ويسهر
    لا سولفي عليه ونسيه العبو مع بعض املي وقته بي شي واذا راح مو تقعدين تزعجينه بالاتصالات
    هو اكيد عارف انك تنطرينه ماراح يتاخر
    او ارسلي له مسج اذا تاخر حبيبي طمني عليك تاخرت
    والي زوجها راعي سهرات الله يعينها تقدر تشغله بي شي
    ولاتقولين لاحد او تشكين زوجي يسهر ويطلع مايرجع الامتى لا احفظي هالشي بينكم واصبري وعاتبيه بطريقه حلوه


    = لاتضغطين عليه بالطلبات والمصاريف صيري اقتصاديه عشان مايتذمر منك
    واذا موظفه او عندك فلوس ساعديه باغراض البيت راح يستانس
    ولاتكثرين من الطلبات هات ود اخذ لا هو مو تاكسي عندك له مكانته احترميه
    ومصروفك لاتطلبين كثير ع قد حاله واذا عطاك المصروف قولي غناي اذا محتاجه مراح اخذه لان انت مومقصرمعي انا مو محتاجه شي لو مره تنازلي عن مصروفك لعيونه
    واذا عطاك مصروف وانتي عندك فلوس اعتذري قولي انا عندي مصروف لاتكلف ع روحك انت ماقصرت الله لايقصر بعمرك الفلوس ذي شف مكانها الي محتاج له وحطها فيه واعتذري خليك سنعه لو مره
    وانا عن نفسي راح ابكي ماحب احد يعطيني فلوس مدري وش في شكلي بتنازل عن المصاريف عشان مابكي قدامه خخخخخخخخخخخخخخ
    واذا ماجاب الاغراض كامله او نسى شي لاتعاتبينه قولي خلاص ياعمري حصل خير ماقصرت الله يعافيك
    لاتجيبيه المره الثانيه لارحت جبه تعال ارتاح ياقلبو تعبتك يالغالي
    مو تقولين وين ليش ماجبته رح جبه بتضايقنه وتزعلينه


    =كلامك دايم خليه يقطر عسل واغرقيه بالعسل وخليك اجتماعيه اذا عزمك احد روحي اذا هو سامح لج
    واطلعي معه لاي مكان قالج عنه حتى لو تعبانه لاتكسرين بخاطره روحي ونسيه واسعديه

    =اذا عندك طلب ورفضه لج لاتتضايقين ولاتزعلين هذا زوجك وله سلطه عليج وتخلين ليلتك زعل بسبب رفض طلبك لاتخلي الطلب اهم منه ولاتخلينه يزعل بسرعه اعتذري وطيبي خاطره
    واذا قالج لا عن الطلب قولي باستهبال مافيه خيارات دور منا منا
    قولي اوكيه الي تشوفه يصير واطلعي واذا ناداك وقال زعلتي قولي لا بابا مازعلت خلاص قلت لا انا مقدر ارد كلامك ولااقدر ع زعلك اهم شي رضاك
    كان نفسي بالطلب بس عشان خاطرك تنازلت يعني خلي الكلام الحلو استغلال لبعض مواقفك ماتدرين يمكن يوافق من كلامك
    وانتي افهمي لاقالج لا لا امسكي ارضك ولاتناقشينه واعرفي ماقال لا الامشغول او مايقدر قدري كلامه
    لو شافك عامله له الف حساب راح يعطيك الف حساب
    وتاكدي لو عاملتيه بكل لطف ورقة ودلع وماقصرتي عليه ماراح يرفض


    =خليه ملجى لج اذا تضايقتي او زعلتي من احد خليه اول انسان يسمع الي مضايقك راح يستانس ويحس بمكانه عندك
    مثل قولي اليوم كدرتني صديقتي بكذا ولا انا متضايقه بسبب كذا لاتكتمين مشاعرك
    ولاتصيرين دايم شكايه لا الشكوى بوقتها

    (اذا سمعتي من احد ان حماتك اوخالته اوعمته تسب فيك مو تقومين الدنيا وبسرعه تعلمينه لا شوفي المشكله من من وانتي متاكده منها سمعتيها بنفسك حتى لو كان ثقه لاتصدقين
    ولو قلت لزوجك اكيد ماراح يصدق وبيعاتبك يعني سكري اذنك عن حكي الناس حتى لو صدق لاتسمعين له لان لو سمعتي بتبلشين وتوهقين)




    =انصتي الى زوجك ولكلامه مو تقاطعينه ودائما امدحيه وبيني اعجابك فيه وفي تصرفاته وقولي انك فخوره فيه


    =وفري الراحة لزوجك في بيته مو تنكدين عليه بطلباتك او اخبار سيئه وعدم اهتمامك فيه خليك انيسته في البيت ومتاعبه وهمومه
    لاشفتيه متكدر ماتتركينه خليك بجنبه واواسيه ولطفي الجو بعبارات وتصرفات مضحكه


    = اشكريه دائما كلمة الشكر لها مفعول حلو مشكور ياعمري الله لايحرمني منك الف شكر لك
    ياربي لاتحرمني منه مدري وشلون اشكرك تفنني بعبارات الشكر


    = انظري الى محاسن زوجك لاتنظرين الى عيوبه عامليه ع محاسنه تكسبينه اذا تصرف معك بشي يزعجك استدركي محاسنه وتذكريها وعامليه ع اساسها
    قد ماتقدري امسحي عيووبه

    =دائم استخدمي انوثتك ودلعك ورقتك بتصرفاتك وكلامك الانوثه سلاح قاتل للرجل

    = اذا غضبتي من زوجك فاصمتي لاتكلمين يمكن تنطقين كلمه لاتحمد عقباها ويحاسبك عليها طول عمرك


    =دائم ذكريه بصلة الرحم وذكر الله وادفعيه الى الخير واسئليه اتصلت في اهلك وش اخبار مامتنا
    وانتي خليك حريصه ع اهله وعلاقتك فيهم وتطمني عليهم


    = لاتبخلين عليه بعواطفك وحنانك اغريه باسلوبك ودلعك وتغزلي فيه من حين
    تغزلي فيه اذا اكل قولي له ياربي ماني مصدقه خليه ينفجع بيقول وش فيك قولي اول مره ادري ان للقمر فم وياكل ياحلووووووك
    او لاتاكلين اسرحي فيه لاقالج وراك ماتاكلين وش فيك تنهدي باهات وقولي احبك
    اذا كنتي تابعون التلفزيون التفتي له وطالعيه خلي التلفزيون لاقال وش فيك قولي
    لو بابقى طول عمري اطالعك ماشبع من حلاتك وبوسيه
    احرصي ع تقبيل يده من حين الى اخر
    خليك حنونه معه اجلسي جنبه وضميه لصدرك والعبي بيدينه وسولفي عليه
    دائما اذا ضحكتي مو تفتحين فمك قدامه لا حطي اطراف اصابعك ع فمك او لفي وجهك واضحكي
    خليك دلوووووووووووووعه لاقالج شي محرج حطي يدينك ع وجهك او غمضي او اندسي وراه
    او حطي راسك بحضنه او صدره
    عانقيه واحضنيه وضميه وبوسيه خليه طفلك المدلل شوفي كيف تدلعين الطفل ودلعيه
    اذا جاء وقت النوم مو تنخمدين قدامه لا لاتنامين الا معه تحملي واسهري ومثل ماقلت لج طريقة تنويمه
    وبوسيه واقري عليه الاذكار
    وتدلعي وانتي بفراشك بطريقة نومك وخلي شوي من شعرك ع عيونك او حطي اصبعك بفمك وتدلعي بنظراتك نامي مثل طريقة البيبي وكيف تكون حركة يدين الطفل وهو نايم
    او استهبلي قولي حبيبي مافي نوم بنام معك ثم ضميه ع خفيف ثم قوليه حياتي قولي قصه بنام واذا قالج قصه مو تغطين بسرعه^بتخرب افكارهم خخخخخخخ
    لا اخذي شوي سوي نفسك تغفين العبي الدور بعدين سوي نفسك نايمه غمضي لين الله يفرجها
    او ارسلي له رساله اذا نام اخذي جواله وحطيه ع الصامت وارسلي حبيبي ياحلوك وانت نايم اذا صحى الصبح بيقراها
    وانتي تاكلين مو تاكلين ورى بعض كن فيه احد بيطردك لا اكلي بنعومه وبشويش والاكله خليها صغيره
    لاتطلعين صوت وانتي تاكلين ولقميه بيدك واكليه وساعديه بالاكل

    اذا جاء بيطلع من البيت قولي حبيبي اسمع الخبر الي جاني بالجوال الارصاد الجويه مضيعين قمر انتبه لايمسكونك


    = الجمال ماهو جمال الشكل جمال الروح
    كم من زوجه خاليه من الجمال لاكن زوجها متعلق فيها
    وكم من زوجه فتنه بالجمال وزوجها يتذمر منها او متزوج عليها
    الشكل مو كل شي بالحياة الزوجيه
    خليك مثقفه وصاحبة اخلاق وروح عاليه ومتفهمه لزوجك ومحترمه لرايه وكلامه اتركي اخلاقك فوق كل شي
    (احسني معاملتك له يحسن لك)


    =تدللي وتدلعي دائم اذا جاء بيكلمك ويتحدث معك مو كنه يتكلم مع اخته لا خليه يشوف للكلام معك حلاوه
    يعني اذا استشلرك بشي حطي يدك ع رقبتك وانتي رافعتها وطالعي فوق وقولي اممممممممم وعطيه رايك
    او طالعي فوق يمين ويسار بدلع وحطي اصبعك ع فمك وعطيه رايك
    وهو يتكلم اغريه بنظراتك وابتسامتك والعبي بشعرك والعبي باصابعه ويده


    =ارقصي له الرقص مثير جدا خصوصا الي تعرف تهز الرقص يضيف جو حلو تقدرين تفتنيه لقمتي وهزيتي مناطق معينه بجسمك مع الرقصه وحطيتي بالج انك تدوخينه لووووووووووووووووول بيدوخ


    =امسكي يده ودخليها في بلوزتك وحطيه ع نبض قلبك وقولي وش تسمع قولي حبيبي كل نبضه تقولك احبك اهمسي بذنه
    خليه يساعدك بملابسك قولي تعال حبيبي سوى لي سحاب البنطلون او التنوره او لبسني السوتيان ماعرف اسكرها
    وسوي حركات وهو يلبسك اغريه انتي وشطارتك



    =امدحي لبسه لاشفتيه لابس وكاشخ قولي وش هالحلا ياربي حتى طلتك فيها حلاوة
    تغزلي فيه


    = احضني يده وذراعه لماتكونو مع بعض حتى لو بسياره خلي فيك رومانسيه ودلع مثل نزل من السياره يبي يجيب غرض خلي معك كرت او ورده وحطي مثل الكرت ع الدركسون واكتبي فيه احبك موت
    او رشي المقعد كله ورد لاقال وش ذا قولي هذا مكانك الصح انت الي مثلج يفرش له ورد ^هذا اذا ماقال شيليه خخخخخخخخخخ
    اواذا عطاك الاغراض عطيه الكرت قولي مدري حصلته بسيارتك بس ماقريته خلي منظر كرتك عادي جدا
    واكتبي فيه فلان
    انا امووووووووووت فيك واو شعر وحطي اسمك
    او لاشفتيه مندمج بالسياره ارسلي رساله واكتبي فيها اي عباره مثل الله لايحرمني منك او اموت عليك وشوفي كيف يطالعك


    او تحركي من مكانك كن قارصك شي لاقال وش فيك وارفعي شوي من ملابسك خليه يشوف شي من جسمك خليه وقولي تعال معي انا خايفه اقعدي ناقزي وانفضي ملابسك بدلع وقولي احس بشي من عند فخوذي يمشي وخليه يتلمس وانتي صايحي وناقزي والشاطره الذكيه تعرف تغريه انتي وشطارتك كملي باقي الموقف بطريقتك لو عرفتي تضبطينها صح انتي الكسبانه انا ماقدر اكمل اخاف ****اات



    =في مواقف معينه ما تتطلب الجدية تصرفي تصرفات طفله يعني كأنك ما تعرفين بالدنيا شي .. وتعمدي تسألينه بإستعباط واستغراب


    =خليك شطوره وقد المسئوليه تعلمي الطبخ وفاجئيه باطباق حلوه احرصي ع بيتك ونظافته ونظافة طبخك واواني المطبخ بيتك بشكل عام احرصي عليه يبقى في احلى منظر
    لاتخلين زوجك يمسك عليك شي
    اكلك نوعي فيه مو طبق واحد ولاتسرفين اطبخي ع قدكم
    وخلي الاكل جاهز اول مايرد من الدوام مو تنقعينه ساعات لا اطبخي بتوقيت حضوره الرجال مايحب الانتظار

    في الفراش خليك نظيفه واحرصي ع ازالة الشعر من مناطق جسمك وعطري جسمك واتوقع مانتي جاهله باشياء الفراش ومحتاجتها من عطورات وملمعات ومرطبات
    توجد مرطبات عند نكتار بنكهات حطيها ع جسمك وخليه يلحثها اسئلي نكتار بيعلمك بكل شي
    خليك مغريه بالفراش اقري عن هالمواضيع واستفيدي
    واول ماتجين عنده مو تطبقين كل شي لا سوي نفسك جاهله ماتعرفين شي خليه هو يعلمك راح تستفيدين كثير منه
    هالموضوع ماراح اتعمق فيه المنتدى فيه قسم يخص هالاشياء نطي فيه واقري
    شعر جسمك دائم احرصي ع ازالته




    =ارسلي له مسج وهو بالدوام او ارسلي له مسج من فتره الى فتره اتصلي فيه مو خلاص تنسين المسجات والمكالمات مع ايام الخطبه
    لاخليك وفيه
    اتصلي فيه قولي جاء بخاطري اسمع صوتك وسولفي معه ثم قولي امي جات او اخوي جاء راح ينصدم اضحكي قولي حبيت ارجعك لورى ايام الملكه ومكالمتنا


مشاركة هذه الصفحة

عثر الزوار على هذه الصفحة من خلال البحث عن

  1. كيف اخلي زوجي مايتزوج علي